موغام موسابيقه ‌سی
-------------------------------------------------------------------------------
منوچهر عزیزی (هارای)
-------------------------------------------------------------------------------
چوخ موحتشم موغام موسابيقه‌سی آزربایجان دونیاسينی و آزربایجان خالقی‌نین تمیز و اینجه دویغولارینی نومایش ائتدیره‌ره ک، موسیقی اینجه صنعت دونیاسینی درین حئیرتلره دالدیرمیشیدیر . هفته‌ده ایكی گون بئله بیر موحتشم وئریلیشلرین یایينلانماسی میلیونلار آزربایجانلی عايیله‌لری تئلئویزیون اطرافینا توپلایاراق، حتتا موسیقینی حرام سانانلاری بئله اؤزونه جلب ائتمیشدیر . بیر میللتین اَن تمیز و اینجه دویغولارینی ترننوم ائده ن موغاملارین گنج و یئنی یئتمه قیزلارین و اوغلانلارین ایفاسیندا دینله‌ نیلمه‌سی، 21 جی عصرده اکثر میللتلرین جاوانلاری طرفیندن اؤز میللی موسیقیلرینین اونودولماسینا عيبرت اولاراق بیر داها ايثبات ائتدی کی، هر میللتین دٶولتی‌نین میللی ایرثلرینه گؤسته ردیيی قایغی‌لار او میللتین میللی معنوی ثروتی‌نین قورنماسیندا و اينکیشافیندا چوخ درین تأثیری واردیر .

بئله بیر قیيمتلی ایمکانلاردان محروم قالان گونئی آزربایجان میللتی، موغام موسابيقه‌لری وئریلیشلریندن نه‌اینکی آنا سودو کیمی فایدالانیرلار، بلکه ناصر عطاپور، فرهاد ابراهیمی کیمی یوزلر نفر ایفاچی و خواننده‌ لری سیناق مئیدانینا گؤنده‌ ره‌ ره ک، اؤز خزینه ‌سینده بسله‌ نه ن‌ درین ايستئعدادلاری نومایيشه قویموشدور. هامی بیلیر کی فرهاد ابراهیمی و ناصر عطاپور کیمی مینلر ايستئعداد گونئی آزربایجانین بوتون شهه ر و کندلرینده یئتیشه ‌ره ک حسن دمیرچی، علی فرشباف، مرحوم علی آقا سلیمی، علی آقا دادستان پور، ماحمود شاطریان، و یوزلر گنج بسته کارلار و معلليملر طرفیندن شنلیک‌لره و میللی مراسیملره تقدیم ائتمیشلر و ائدیلمکده‌دیر.

گونئی آزربایجانین موسیقی طالئعی‌نین اللی ایللیک تاریخی‌نین جانلی شاهیدی کیمی ائعتيراف ائمه لی‌ یه م کی پیشه‌وری حرکاتی قانلی فاجيعه لرله داغیدیلدیقدان سونرا آزربایجان موسیقیسی کسکین یاساغا اوغرادی، فارسلار و ائرمنیلر آزربایجان موسیقیسينی ایفلاسا اوغراتدیلار، آزربایجان موغاملاریندان و رقصلریندن اثر قالمادی. اگر تئهراندا تخمینن سربست یاشایان علی آقا سلیمی، علی آقا دادستان پور، صفر علی جاوید، اسماعیل چشم آذر، عادل آخوندزاده، محرم بسیم، اردبیللی فریدون و جمشید قارداشلاری، حسن سیروس، رحمان اسداللهی، وحید اسداللهی کیمی ایفاچیلار و بسته‌کارلار سارا، راحله، شورا، یدالله زیوه، هدایت محمدزاده، اباذر، فاطما زرگری، ولی واحد، اسکندر، علیمحمد آغازی، ولی قاسمی، حمید عبادی، هلال کیمی خواننده‌لر و موغّننی‌لر، بهمن، مامد، جیران زرگری کیمی رقص اوستالاری، اسکندر، پُلی، قوباد و سایيره کیمی رققاصلار اولماسایدیلار، تئهران و تبریز تئلئویزیونوندا بیرینجی دفعه اولاراق شخصن اونلاردان فایدالانماغی باجارا بیلمه ‌سه ‌یدیم، هله ده گونئی آزربایجان موغاملاری بسته‌کار اثرلری، آشیق ماهنیلاری بو سویيه‌ ده اينکیشاف ائتمه‌ میشدیر.

من بو تشببوثو اؤزومه فخر حئساب ائدیره‌ م کی بیرینجی دفعه اولاراق 5 وئریلیش یاریم ساعاتلیق پيروقرام آزربایجان رقص، موغام و آشیق موسیقیسينی ترتیباتچیلق ائدره ره ک 40 ابل بوندان اه وول تئهران تئلئویزیونوندان و اوندان اه وول 46 ایل بوندان اه وول آشیق موسیقیسينی و شیمالی آزربایجان موغام هاوالارینی تبریز رادیو و تئلئویزیونوندان یایمیشام .

منوچهر عزیزی ( هارای )
24/08/86
تبریز