SMS لر و بیز
--------------------------------------------------------------------------------
محمد بودونچو
--------------------------------------------------------------------------------
حاضیری smsلر نه دئمک دیر؟smsیئنی تکنولژی دن دوغولان اگلنگه(تفریح)،بیر آزادلیق ،بیر خبر ارگانی دیر.شکرلر اولسون بیزیم ده میللت میزین چوخو بوگونلر دونیا جماعت ایله بیر آدییم دا جیب تلفونو(موباییل)دن فایدالانیرلار.موباییل ین ان گؤزل ایمکانلاریندان بیری sms خیدمت لری دیر.sms لر آتالار سؤزلرینه تای خالق ایچره دوغولوب خالق خدمت ینده اولور.بوگون دونیانین آرتیق سیاسی لشمه سینه گؤره سیاسی قدرت لر sms ایمکانلاریندان فایدالاناراق اؤز هدف لرینه دوغرو آدیم لار گؤتورولر.آذربایجانلیلار sms ایمکاناتیندا غرورولو خرداد قیامیندا باشاردیقلاری قدر فایدالاندیلار.اوندان سونرا دا یالنیز بعضی قیسا خبرلر و موناسیبت لر ده بو ایمکاندان فایدالانیرلتر.امما بیزه بئله گلیرکی میللت میز و میللی چالیشقانلاریمیز بو ایمکانتدا اولان فورصت لردن یئری اولدوغو قدر فایدالانمیرلار.بیز sms ایمکانلاریندان هم سیاسی و هم فرهنگی و هم تفریحی جهت لرده باشاردیغمیز قدر فایدالانمالییق.

نه جور بو ایمکانلاردان فایدالانماق اولار؟

فرهنگی ساحه ده:

دیل میز کولتوروموز ایله بیلگی و اطلاعات لاری عام اوچون دوشونونلن دیلده و سطح ده sms شکیلینده حاضیرلاییب. تانیشلاریمیز آراسیندا یاییمالییق.آرتیق هامینین الینه چاتماق اوچون "توموروس نیوزون"حاضیرلادیغی حاضیری sms صحیفه سینده قویماق.اؤرنک اولاراق بؤیوک شاعیرلاریمیزدن قیسا شعرلر یازماق.یا کیتاب آدلارین یاییماق.یا قیسا و بو گونلر غرب ادبیات یندا گئنیش یئر آچان "بیت" حئکایه لری یایماق.
تفریحی ساحه ده:
تاسف ایله بیز ائله رام اولموشوق کی اؤز ارادمیز ایله تفریحی نیاز لاریمیزی فارس مرکزلرینده دویوروق.دیرناق آراسی دئمه لییم کی دونیا و یازی پوزو همیشه آغیر اولمامالیدیر.بیز میللت میزین تفریحی نیازلارینا دا جاواب وئرمه لی ییک .بونا کی داها ماده تبصره بودجه ایستمیر.ساده دئییم بیر جوک یازیب یایماغین داها توتولماغی آغیر مالی هزینه سی کی یوخدور.گلین ال اله وئرک میللت میزین تفریحی نیازلارین اؤز دیلمیزده و اؤز فرهنگی میزده دویاراق.دؤرمیزده شوخ اینسانلار،گؤرکملی صحنه لر آز دئییل.شکرلر اولسون چوخوموزون سس یغماق،فیلیم گؤتورمک ایمکانیمیز وار.گلین ایمکانلاریمیزدان فایدالانماق ایله میللت میزین تفریحی نیازلارینا اؤزوموز جاواب وئرک.دوشونوروک اوندا فارسلاردیرکی بیزه پناه گتیرجک له.بو ساحه ده تورکییه،قوزئی آذربایجان و باشقا تورک اینترنت صحیفه لریندن فایدالانمامیز یئنی پنجره لر بیزیم قاباغیمیزا آچاجاق.
سیاسی ساحه ده:
سیاست دونیا سیندا گرک فورصت لری تانییب فورصت لردن فایدالانیب فورصت یاراداسان.گلین sms لرین اجتماعدا معجزلی فورصت لرین دوشونوب آرتیق ایستفاده آپارماغینا تدبیرلر تؤکک.
مختلیف مراسیم لری و تاریخی گونلری ائل میزین یادینا سالاق.اؤنملی خبرلری یاییاق.

بیز بو هدف لره ناییل اولماق اوچون "حاضیری sms لر "آدیندا بیر صحیفه یارادیق.چالیشیریق مختلف مؤوضوع لرده اولان sms لری ائله عمومی sms خط ایله سیزه یازاق.خواهیش اولونور سئودیگینیز smsلری موبایل نیزه تؤکرک اینترنت ایمکانلاری اولمایان سویداشلاریمیزا چاتدیرین.ال نیزه دوشن sms لری ده بیزه گوندیرین.یاخین گل جکده بولوتوزا حاضیرلانمیش دئیتالاردا وئریله جک.

یازار:محمد بودونچو